蘇老師自然療法之家﹣瑜伽斷食營

作者:243期香港學員 May

2017年9月，參加左台灣蘇老師的7日斷食營，原來已經一年了。

好多人聽到斷食已經驚，但因為我相信斷食的概念同好處，所以2017年就決定參加體驗一下。

7日裡面係真斷食，我由入營個刻開始到第6日晚係全斷食，只係飲水。

每朝6點起身做早操，飲2-3L檸檬鹽水加1L清水，做瑜伽，不同活動例如行山，散步，再瑜伽，做Meditation(靜坐) ，晚會，大約晚上9-10點瞓覺。斷食之外再加大量運動。6日行程一様，到第7日先食返野。

雖然6日都無食野，但我精神好好，仲好享受做瑜珈同Meditation(靜坐)，因為可以矯正身體同放鬆。

參加斷食營之後，每個同學身體反應唔同，有同學改變好大，而我覺得自己係比較平隱，精神好左，放鬆左。

其實斷食唔難，最難係飲檸檬鹽水，真係飲到想嘔，老師話飲唔到檸檬鹽水係因為身體有毒素，有同學係好快飲完，但我真係每一啖都好難飲落口，雖然最後都會飲完，但就成為我每日最大挑戰。

斷食營之後，我的生活習慣有好大改變，每朝起身都會飲500ml清水，少肉多菜，食量少，每日做Meditation(靜坐)。覺得唔舒服就斷食同飲水，身體自癒能力好快。這一年感覺健康同心情都好左好多。